1. baş qəhrəman hacı şəkərin həyatım boyunca cəhalətdən qaçdım, sonda cəhalət mənim qatilim oldu sözləri ilə məni çox təsirləndirən film. rejissoru və ssenari müəllifi mahsun kırmızıgül olan 2010 - cu il istehsalı film türkiyənin və ümumilikdə islam dünyasının ənənəvi və ağrılı problemlərindən biri - terrorizmə toxunur. bəzi radikal islamçıların cihad adı altındakı qəddar, insanlığa sığmayan və ən əsası islamı gözdən salan əməlləri, amerikada islam fobiyasının təzahürləri, türk kəndlərindəki cəhalət intiqam duyğusu ilə alışıb - yanan istihbarat ( türk məxfi təhlükəsizlik idarəsi) işçisinin hekayəsi ilə qovuşur və sonda maraqlı bir dram filmi meydana gəlir. mahsun kırmızıgülün "günəşi gördüm" filmi qədər güclü və təsirli film olmasa da, izləməyə dəyər deyə düşünürəm.